“PREMIUM SPORT CENTER”, ДЕЛ ОД ПЛАНИНСКИОТ СПЕКТАКЛ „MOMATA ROCK TRAILS 2025“

Викендов во Прилеп, на Селечка Планина се одржа 11. издание на планинскиот спектакл „Momata rock trails 2025“. Овој спортски настан претставува вистински предизвик и уживање за сите љубители на планинското трчање и авантурите во природа.

Годинешното издание беше составено од две рути: „Момата рок трејл“ со должина од 20 километри, наменета за поискусните тркачи што сакаат да го почувствуваат вистинскиот карактер на Селечка Планина и „Топташ трејл“ од 10 километри, отворена за мажи и жени кои сакаат да ја доживеат магијата на планинското трчање во пократка, но еднакво возбудлива форма.

“Premium Sport Center” оваа година го поддржа овој уникатен спортски настан, водејќи се од мисијата постојано да ги поттикнува движењето, издржливоста и спортскиот дух кај сите генерации.