Одделот за диетологија и нутриција работи со единствен концепт за комфорна и професионална достапност за проценка и третман на нутритивниот стастус и исхраната кај човекот, како и за проценка на функционалната состојба на скелетно-мускулното и масно ткиво со одредување на степенот на физичката активност и кондициска подготвеност кај човекот.
Во склоп на Premium physical terapy & sport centar функционира диетолошката консултативна амбуланта.
КАБИНЕТ ЗА ФИЗИОЛОГИЈА И МОНИТОРИНГ НА ИСХРАНА
Овој оддел при Премиум спорт центарот располага со кабинет за мониторинг на исхрана за спроведување на сите физиолошки и нутритивни протоколи. Опремен е со најсовремена технологија на високоспецифичен медицински анализатор за целосно скенирање на мускулното, масното и коскено ткиво добивајќи детална анализа и за количестовот на вода во телото и минералната густина на коските. Од овој неинванзивен и брз тест се добиваат прецизни резултати за застапеноста и развиеноста на мускулната маса во горните и долните екстремитети и трупот, количина и процент како на поткожната масна маса така и на висцералните масти, прецизно се проценува задршка на течности во сегментните делови на телото при појава на отоци, а скринингот за коскена густина ја следи состојбата на јачина на коските.
Сите овие податоци се од исклучително значење за иницијално одредување на нутритивниот и тренажен протокол и евалуација на постигнувањата кај рекреативните и професионални спортисти, при намалување и регулирање на телесната тежина или во тек на кондиционо аеробни и тежински вежби за мускулната маса. Стручниот тим врз база на мониторингот од оваа анализа ќе понуди соодветен енергетско-калориски третман за корекција на нутрицијата и за унапредување на телесните и физички перформанси во тек на изведување на ефикасна физичката активност.
Кабинетот за диетологија се грижи и за индивидуални и персонализирани планови на исхрана кај здрави личности кои немаат здравствен проблем, но имаат потреба од специфична нутриција во одреден период од животот: дебелина и вишок на килограми, во тек на бременост или при процес на потпомогнато оплодување и ин витро фертилизација, пубертет и адолесценција, период на менопауза и андропауза, нутритивниот протокол против стареење, спортката исхрана.
Во диетолошката амбуланта се спроведуваат нутритивните програми со диетотерапија кај пациентите кај кои стручната грижа и терапијата со храна е потребна поради одредени болести, патолошки состојби и нутритивни нарушувања со специјален и строго контролиран хигиено-диетески режим или диетотерапевтска диета.
