Македонската фудбалската репрезентација вчера славеше победа над Германија со 1-2. По Европското првенство, сега нашата репрезентација сериозно е во игра и за уште еден историски, уште поголем успех – пласман на Мундијалот.
Горди сме на успехот на нашата репрезентација, а особено се радуваме и гордееме што нашите физиотерапевти Бојан Цаневски и Бојан Силјаноски беа дел од тимот кој се грижеше за најдобрите!
„Ова беше незаборавен момент за нас, радоста едноставно не може да се опише со зборови. Успеавме да докажеме дека иако сме мали на карта, имаме големо срце. Со задоволство и професионализам ја претставуваме Клиничката болница „Аџибадем Систина“ и благодариме на менаџментот од болницата што ни овозможи да бидеме дел од историјата “-напишаа нашите физиотерапевти.
