Почитувани,
Клиничката болница „Аџибадем Систина“ ве известува дека Премиум центарот за спортска рехабилитација и корективни вежби на справи кој функционира во рамки на болницата, од денеска повторно работи и е отворен за граѓаните. Согласно Одлуката на Владата за измена на рестрикциите преземени поради коронавирусот, од 12 мај важат нови правила за движењето и групирањето на граѓани, па согласно тоа Премиум центарот повторно ќе работи со работно време од 6 до 22 часот.
Во Премиум центарот за спортска рехабилитација и корективни вежби на справи се работи според строги ковид- протоколи со што сите клиенти и персоналот се целосно заштитени.
Во склоп на Центарот функционира и Одделот за физикална медицина и рехабилитација и Одделот за диетологија и нутриција, и продолжува да работи како и досега.