Во склоп на Клиничката болница „Аџибадем Систина“ се отвори најсовремено опремен центар Premium Physical Therapy & Sport Center, единствен од ваков тип во земјата и регионот кој нуди комплетна интегрирана грижа за здрав живот – физикална терапија, медицинска и спортска рехабилитација, нутриција и диетологија, корективни вежби на справи, сите видови масажи, парна бања и финска сауна.
Капацитет
Premium Physical Therapy & Sport Center е распространет на површина од 1.130 метри квадрати опремен со современи ординации и апарати за физикална терапија, сала за спортска рехабилитација и корективни вежби со најмодерни справи, нутриционистичко советувалиште, парна бања, финска сауна и две ВИП-соби за масажа.
Центар за физикална терапија и медицинска рехабилитација
Центарот за физикална терапија и медицинска рехабилитација се простира на површина од околу 300м2 и е опремен со најсовремена апаратура, простории за рехабилитациона терапија и нуди можност за превенција и третман на сите спортски повреди, патолошки состојби и болести, вклучувајќи индивидуален планови за третман и вежби. Единствено во Македонија располага со подводна хидролента за изведување хидротерапија.
Најсовремени справи за функционални вежби
Премиум центарот за спортска рехабилитација и корективни вежби на справи при „Аџибадем Систина“ се простира на 525м2 и располага со најсовремени справи од брендот Technogym, специјални рефрормер и кадилак справи за зајакнување на различни мускулни групи и за подобрување на болки во телото. Сите тренинзи се одвиваат под надзор на сертифицирани инструктори.
Оддел за нутриција и диетологија
Одделот за диетологија и нутриција при Premium Physical Therapy & Sport Center нуди комплетна грижа за здрав животен стил преку индивидуални планови за исхрана од страна на високоедуцирани специјалисти по диетологија и нутриционизам и под медицински надзор на лекарски тим. Кабинетите за диетологија се опремени со најсовремена дијагностичка апаратура и во нив можат да се направат сите неопходни антропометриски, биохемиски и физиолошки анализи и мерења со цел да се утврди здравствената состојба и нутритивниот статус.
Високообучен стручен тим
Во Premium Physical Therapy & Sport Center работи докажен тим на специјалисти по физикална медицина и рехабилитација, физиотерапевти, диетолог, нутриционист, сертифицирани инструктори со долгогодишно искуство зад себе.
Мултидисциплинарен пристап за сите спортски повреди
Одделот за физикална терапија и рехабилитација Premium Physical Therapy нуди можност за мултидисциплинарен пристап во третманот на пациентите, предоперативна рехабилитација, рана рехабилитација (пост-оперативна) и секундарна рехабилитација.