TRX е модерен вид функционален тренинг кој се изведува со специјални суспензиони ремени и ја користи сопствената тежина на телото како оптоварување. Наместо класични справи и тегови, телото е во висечка положба, при што гравитацијата и промената на аголот создаваат оптоварување. На овој начин, TRX активира повеќе мускулни групи истовремено, го зајакнува јадрото (стомачните и грбните мускули) и ги подобрува стабилноста, координацијата и рамнотежата.
Оваа методологија на тренинг – позната како „тренинг на суспензија“ комбинира динамички движења, сила, стабилност и флексибилност во една вежба, овозможувајќи функционален развој на телото на природен и ефикасен начин.
КОИ СЕ ПРИДОБИВКИТЕ ОД TRX?
- Активира цело тело истовремено – нема изолирани вежби; секое движење вклучува повеќе мускулни групи.
- Силно и стабилно јадро – при секоја вежба мускулите на стомакот и грбот се постојано активни, што ги спречува нарушувањето на држењето и болки во грбот.
- Подобра рамнотежа, координација и мобилност
- Погоден за секого – мажи, жени, рекреативци, спортисти, тинејџери, постари лица, па дури и лица во процес на рехабилитација.
- Приспособлив интензитет – со само неколку сантиметри промена на положбата, оптоварувањето се зголемува или намалува.
- Неограничени опции за вежби – може да се работи во сите рамнини на движење.
ЗОШТО TRX Е РАЗЛИЧЕН ОД КЛАСИЧНИОТ ТРЕНИНГ?
Традиционалните тренинзи најчесто го изолираат оптоварувањето на еден мускул, додека TRX го активира целото тело како еден систем. Наместо да работи еден мускул – работат повеќе мускулни групи истовремено. Наместо ограничени, механички движења, движењето е природно, слободно и целосно функционално.