Македонскиот фудбалски репрезентативец Дарко Велковски успешно ја заврши рехабилитацијата во Центарот за физикална терапија и медицинска рехабилитација „Premium Physical Therapy & Sport Center“. Третманот траеше две недели и беше спроведен поради мекоткивна повреда на мускулатурата на задната натколенична ложа, која настанала при спортска активност.
„Кај пациентот беа применети разни модалитети на физикални процедури кои се во чекор со современите протоколи на лекување. Пред враќањето кон спортските активности, беше применета и хидротерапија, која е исклучително корисна во периодот на рехабилитација, како подготовка за тренинг-процесите кај професионалните спортисти“, истакнува д-р Аница Хаџи-Петрушева Јанкијевиќ, специјалист по физикална медицина и рехабилитација.
Центарот за физикална терапија и медицинска рехабилитација овозможува превенција и третман на сите видови спортски повреди, со изработка на индивидуален план за терапија и вежби. Тој е единствен центар во Македонија кој располага со хидролента за изведување на хидротерапија.
